• Kontakt
Monday, March 1, 2021
Zathur
  • Aktualitet
    • Sociale
    • Kulture
    • Diaspora
    • Bota
  • Kronike
  • Blog
  • Kryesore
  • Debat
  • Skandal
  • Dosja X
  • Histori
  • Nostalgji
  • Humor
  • Kuriozitete
  • Lifestyle
  • Sport
No Result
View All Result
  • Aktualitet
    • Sociale
    • Kulture
    • Diaspora
    • Bota
  • Kronike
  • Blog
  • Kryesore
  • Debat
  • Skandal
  • Dosja X
  • Histori
  • Nostalgji
  • Humor
  • Kuriozitete
  • Lifestyle
  • Sport
No Result
View All Result
Zathur
No Result
View All Result
Home Aktualitet

Rikthehen telashet për Berishën, të mërkurën rihapet gjyqi i Izet Haxhisë, thirren dëshmitarët e parë për vrasjen e Hajdarit

21/09/2020
in Aktualitet, Kronike
Rikthehen telashet për Berishën, të mërkurën rihapet gjyqi i Izet Haxhisë, thirren dëshmitarët e parë për vrasjen e Hajdarit
162
VIEWS

Zhbllokohet dosja e Izet Haxhisë. Pas më shumë se dy vitesh zvarritje, duket se procesi ka hyrë në fazën e tij më të rëndësishme, atë të dorëzimit të provave dhe dëgjimit të dëshmitarëve.

Gazeta ka mësuar se më datë 23 rifillon procesi ndaj Haxhisë ku do të dorëzohet lista me dëshmitarët që do të kërkohet të thirren. Haxhia u ekstradua nga Turqia, pasi është dënuar nga Gjykata e Tiranës si pjesëmarrës në vrasjen e Azem Hajdarit. Procesi ndaj tij nis me shumë bujë, pasi Haxhia akuzon drejtpërdrejt Sali Berishën si të përfshirë në vrasje.

Madje ai është në krye të listës së dëshmitarëve që janë thirrur për t’u ballafaquar. Haxhia në seancat paraprake, ku u njoh me dënimin kërkoi ballafaqim me Berishën. Por edhe pse procesi u mbajt peng, duket se tashmë do të hyjë në një fazë krejt ë re. Haxhia ka deklaruar se do të dorëzojë prova të reja dhe do të kërkojë dëshmi nga të gjithë ata që kanë dijeni mbi ngjarjen.

Dëshmitarët

Përveç Sali Berishës, Izet Haxhia ka përgatitur një listë edhe me 41 emra të tjerë që do t’i thërrasë për të dëshmuar për të provuar pafajësinë e tij.

Pjesë e listës janë edhe një sërë emrash të njohur si ish-kryeministri Fatos Nano, gazetarët Ylli Rakipi dhe Alfred Peza, zëvendësministri i Mbrojtjes, Petro Koçi, demokratët Genc Pollo, Jemin Gjana dhe Jozefina Topalli, por edhe ish-kryetari i Shërbimit Informativ Shtetëror, Fatos Klosi, por edhe Sali Lusha, Fisnik Sina, Zenel Neza, Mentor Daja, Sami Sula, Erli Murati, Genci Pepo, Kujtim Yzo, Pëllumbesh Gjoni, Marjan Gryka, Guxim Biberaj, Agim Logu, Jaho Mulosmani, Ismet Haxhia, Isamedin Haxhia, Genci Burimi, Majlinda Popoviç, Dhurata Sina, Arben Rakipi, Agim Selimi, Shkëlzen Lushaj, Lad Mustafa, Ilir Cano, Elvis Gjeci, Afrim Krasniqi, Dem Dollapi, Cek Prozhlloni, Astrit Muldaka, Spartak Poçi, Vili Minarolli, Shkëlzen Lusha, Lad Mustafa dhe Besim Ymaj.

Të gjithë këta emra janë personazhe që kanë dijeni për ngjarjen dhe mund të japin informacione shumë të volitshme për zbardhjen e plotë të asaj. Madje Fatos Klosi është një ndër ata që e ka akuzuar drejtpërdrejt Sali Berishën se ka gisht në atentatin ndaj Azem Hajdarit.

Provat e reja

Jo vetëm dëshmitarët, por edhe një sërë provash të reja pritet t’u japin një rrjedhë tjetër hetimeve për vrasjen e Hajdarit. Haxhia deklaroi edhe dje se në dorë ka materiale që provojnë pafajësinë e tij, ku përmendim bllokun e shënimeve sekrete të Perikli Tetës; bllokun e shënimeve të Drejtorit të Përgjithshëm të Policisë, Albert Dervishi; tabulatet e celularëve; kronikën e regjistruar e gazetarit Artan Hoxha; regjistrimin e bisedës me diktofon të Ylli Rakipit me të plagosurin rëndë, Zenel Neza në prani të Berishës tek Spitali Ushtarak.

Me gjithë këto dëshmi dhe prova të reja, nëse gjatë rigjykimit të Izet Haxhisë dalin në pah detaje të pathëna më parë, mundet që gjykata të vendosë riçeljen e plotë të hetimit, duke hetuar dhe nxjerrë kështu para drejtësisë fajtorët e vërtetë. Kjo duket se do të shërbejë si kambanë alarmi për ish-kryeministrin Berisha.

Haxhia pretendon që përmes dëshmitarëve dhe provave të reja të tregojë se ai nuk ka gisht në ngjarje, por autori i vërtetë është ish-kryeministri. Pak ditë më parë u shënua përvjetori i vrasjes së Hajdarit dhe ish-kreu i SHISH në atë kohë, Fatos Klosi deklaroi se është gati të dëshmojë dhe të vërë në dispozicion të gjitha të dhënat që kishte SHISH. Nga ana tjetër edhe ai akuzon Berishën si të përfshirë./Kliti Topalli

ShareTweetSendSend

Related Posts

Mesazh i zv.ministrit të Brendshëm  për “lulët” pa rrip: Mos bëjë dhe ti si Luli! Një njeri i dashur të pret në shtëpi
Aktualitet

Juristi Romeo Kara shpëton Lulin për “rripin”… e makinës, por a e dinte Luli?!

01/03/2021
Mbledhja e BE për negociatat kambanë alarmi për drejtësinë: Ja 123 gjyqtarët dhe prokurorët e shkarkuar nga vetingu që rrezikojnë hetimin!
Aktualitet

Mbledhja e BE për negociatat kambanë alarmi për drejtësinë: Ja 123 gjyqtarët dhe prokurorët e shkarkuar nga vetingu që rrezikojnë hetimin!

01/03/2021
Lista/ 55 njerëzit që braktisën drejtësinë se ishin ‘pa qejf’, për t’u bërë avokat dhe punuar në privat, arsyet e çuditshme dhe frika e përbashkët nga Vetingu
Aktualitet

Ja si pritet të nisin hetimet sipas shembullit “Llalla” për të dorëhequrit e drejtësisë! Rreth 60 emra braktisën vetingun: Zbardhet lista me emrat

01/03/2021
Zathur

© Copyright Zathur.net - All Rights Reserved

Navigate Site

  • Kontakt

Follow Us

No Result
View All Result
  • Aktualitet
  • Blog
  • Bota
  • Dosja X
  • Histori
  • Humor
  • Kronike
  • Kryesore
  • Kulture
  • Kuriozitete
  • Lifestyle
  • Nostalgji
  • Debat
  • Diaspora
  • Skandal
  • Sociale
  • Sport

© Copyright Zathur.net - All Rights Reserved

Login to your account below

Forgotten Password?

Fill the forms bellow to register

All fields are required. Log In

Retrieve your password

Please enter your username or email address to reset your password.

Log In