Ikona e gjallë e kinematografisë ndërkombëtare Al Pacino feston sot 80-vjetorin. Në karrierën e tij të gjatë Al Pacino i ka dhënë jetë personazhëve që kanë mbetur gjallë në kujtesë, protagonist të filmave që janë në pjedestalin e kinemasë botërore, nga ‘Kumbari’ tek “Scarface”, ‘Arome gruaje’ e shumë të tjerë.
Teksa kujton personazhet e Michael Corleone apo Carlito Brigate, Tony Montana apo Serpico, ka vetëm një shikim që të vjen në mendje dhe është ai i të famshmit Al Paciono.
I lindur në New York në 25 prill 1940 nga dy prindër emigrantë të ardhur nga Italia, Alfredo James Pacino e kaloi fëmijërinë në vështirësi, edhe për shkak se babai i tij e braktisi familjen. I favorizuar me një fytyrë që nuk harrohet shpejt, që në adoleshencë ai filloi të merret me aktrim dhe kthesa në jetën e tij vjen kur takon Lee Strasberg, mjeshtër i Actor’s Studio, që bëhet mentori i tij.
Nga skëna e teatrove të vegjël dhe të panjohur në Big Apple ku ndodhi takimi që i ndryshoi atij jetën me Francis Ford Coppola, që i dhuroi rolin kyç të karrierës së tij, bosin Michael Corleone tek ‘Kumbaro’, duke bërë që të fillojë kështu ngjitjen në Olimpin e Hollywood-it, që falë sagës së famshme që pushtoi kinematë, bëri që ai të fitoi çmim Oscar në interpretimin e tij të parë të rëndësishëm.
Pas këtij vazhdojnë interpretimet që kanë mbetur në kujtesë të spektatorit si “Cruising” e William Friedkin, “Serpico” dhe “Quel pomeriggio di un giorno da cani” e Sidney Lumet, “Americani” e James Foley, “Scarface” dhe “Carlito’s Way” e Brian De Palma, “Insider” dhe “Heat” të Michael Mann, “Donnie Brasco” e Mike Newell, “Cdo e dielë e mallkuar” e Oliver Stone, “Insomnia” e Christopher Nolan, “Scent of a Woman”, remake e filmit të Dino Risi “Aromë Gruaje”, ku fitoi edhe një Oscar në 1993, pas 7 kandidaturash të shkuara bosh.
“C’era una volta a… Hollywood” e Quentin Tarantino dhe “The Irishman” e Martin Scorsese me të cilat mori nominomin e 9 në Oscar. Aktori gjithashtu ka punuar edhe si regjizor me 3 filma dhe 1 dokumentar dhe në ekranin e vogël ka interpretuar në miniseritë e “Angels in America”, ku fitoi dy herë në Emmy dhe Golden Globe, në filmin e drejtuar nga Barry Levinson “You Don’t Know Jack – Il dottor morte” dhe “Paterno”, deri tek seritë e fundit të “Hunters” në Amazon.
