Henrikh Mkhitaryan denoncon krimet e luftës, ndërkohë që përmes një letre i dërgon një mesazh presidentit të SHBA-ve, Donald Trump, atij të Rusisë Vladimir Putin dhe presidentit të Francës, Emmanuel Macron. Mesfushori i Romës tregon gjendjen në vendin e tij dhe bën thirrje që të vendoset paqja mes Armenisë dhe Azerbajxhanit.
LETRA – “Unë jam një atlet profesionist që përfaqësoj me krenari Armeninë në të gjithë botën dhe sot e shkruaj këtë letër me shumë shqetësim. Ndërsa bota dëshmon një luftë tragjike të paparë në Karabak, më lejoni të shpreh shqetësimin e thellë që vendi është në rrezik të madh.
Ndërsa lufta hyn në javën e dytë të përplasjeve, Armenia dhe Artaskh vazhdojnë të mbrojnë të drejtën e tyre për të qenë një komb i pavarur, për të vazhduar të ekzistojnë në territoret e okupuara historikisht dhe për të ruajtur trashëgiminë e vlerave të krishtera të njohura në të gjithë botën.
Me përshkallëzimin e përplasjeve ushtarake ditët e fundit, është jashtëzakonisht e trishtueshme të shohësh se si ushtria azerbajxhanase synon qëllimisht objektiva të tilla si shkolla dhe kopshte, banesa civile, spitale dhe infrastrukturë tjetër, në kryeqytet dhe në qendra të tjera të populluara dendur.
E gjithë kjo mund të përkufizohet vetëm si një krim lufte dhe situata aktuale është në prag të katastrofës humanitare. Përveç kësaj, e gjithë kjo ndodh me ndërhyrjen e luftëtarëve të huaj dhe pranë kufijve të Konfederatës Ruse dhe Bashkimit Evropian, një fakt që përbën gjithashtu një kërcënim të drejtpërdrejtë për vendet tuaja.
Ne kemi mbetur vetëm në betejën tonë kundër terrorizmit ndërkombëtar. Si një aleat historik i Armenisë ndërhyrja juaj për të ndaluar këtë luftë shkatërruese ka një rëndësi jetike. Të rinjtë tanë vdesin në front ose janë me aftësi të kufizuara në mënyrë të pakthyeshme, në vend që të kenë mundësinë të marrin pjesë në ndërtimin e së ardhmes së vendit. Nga thellësia e zemrës time ju kërkoj të bëni gjithçka që keni në fuqinë tuaj për të ndaluar këtë tragjedi dhe për t’i kthyer palët përsëri në negociata paqësore”, shkruan Mkhitaryan.
