Drita ka arritur të shkruajë historinë e futbollit kosovar mbrëmjen e sotme.
Gjilanasit kanë arritur të mundin pastër dhe bindshëm skuadrën maqedonase të Sileks dhe kanë janë kualifikuar në raundin e tretë të Europa League, ku i presin gjigantët e Legia Varshavës.
Pjesa e parë është mbyllur pa gola, ndërsa në pjesën e dytë dardanët kanë mundur të gjejnë avantazhin me ndihmën e një penalltie të shndërruar në gol nga Gërbeshi në minutën e 48.
Kampionët nuk e lëshuan lojën dhe vazhduan të sulmojnë, teksa në minutën e 78 Grozdanovski i jep “asist”, kur merr të dytin e verdhë dhe lë Sileksin me një lojtar më pak.
Diferenca në numra ndjehet dhe është Limani, që shënon për Dritën golin e dytë dhe i jep këtë fitore të madhe me shifrat 0-2 skuadrës së tij.
Me këtë kualifikim, Drita shkruan historinë e futbollit dardan, duke qenë skuadra e parë kosovare, që arrin të kualifikohet në turin e tretë të një kompeticioni europian.
Europa League, Raundi 2
Sileks-Drita 0-2
Shënues: Gërbeshi (p) 48’, Limani 80’
Shkëndija e Tetovës bën mrekullinë përballë Botosanit, fiton 0-1 në fushën e skuadrës rumune dhe kualifikohet në raundit e tretë të Europa Leagues. Një sukses i vuajtur, por i merituar, i ekipit të drejtuar nga Ernest Gjoka, që u detyrua të luante në inferioritet numerik nga minuta e 67-të, pas ndëshkimit të Alimit me kartonin e dytë të verdhë.
Golin që vendosi kualifikimin e kuqezinjve tetovarë e shënoi Besart Ibrahimi që në minutën e 2-të me një parabolë të jashtëzakonshme, të cilën shpesh e kemi parë të realizoi Lionel Messi.
Gjithsesi, meritë të veçantë kishte pa dyshim portieri Zahov, që bëri disa herë mrekullinë, sidomos pas ndëshkimit të Alimit me të kuq. Mund të veçohet rasti i minutës së 72-të, kur vendasit nuk mund t’iu besonin syve kur portieri i Shkëndijës shfaqi cilësitë e tij më të mira, duke shmangur një gol të sigurt.
E ligjshme festa e kuqezinjve pas vërshëllimës së fundit të kryesorit, teksa në raundin e tretë do të përballen Tottenhamin e Jose Mourinhos (24 shtator), që rrezikoi jo pak por në fund fitoi me përmbysje 1-2 ndaj Lokomodiv Plovdiv, me gola të Harry Kane (11-metërsh) dhe Donbele, që bënë të pavlefshëm finalizimin e Minchev. Kujtojmë që ekipi bullgar e mbylli takimi me dy lojtarë më pak, me Karageren dhe Almedia të ndëshkuar me kartonë të kuq.
