Në prag të ndeshjes me Kukësin, që luhet të enjten në stadiumin Air Albania për turin e dytë eliminator, drejtori i Wolsburg ka bërë akuza ndaj UEFA-s, duke deklaruar se e dërgoi ekipin gjerman në një zonë të kuqe të koronavirusit.
“Normalisht, nuk duhet të dërgosh me ndërgjegje të plotë dikë në një zonë të rrezikshmërisë së lartë. Por kjo është ajo që po ndodh me ndeshjen e Ligës së Europës në Shqipëri.
Ajo është një zonë e rrezikshmërisë së lartë. Dhe ne duhet që të shkojmë atje të përballemi me detyrimet që kemi,”- tha ai në një intervistë në mediat gjermane. Ndërkohë, trajneri Oliver Glasner e sheh situatën pak me më shumë optimizëm.
“Sigurisht, nuk mund të injorosh plotësisht rrezikun nga pikëpamja shëndetësore. Por gjysma e Europës është zonë e rrezikshme dhe është pjesë e lojës që duhet të udhëtosh në një rajon të tillë në një turne si Liga e Europës”, deklaroi drejtori sportiv i Wolfsburgut.
Wolsburg tentoi të bindte Kukësin për të udhëtuar në Gjermani, duke i ofruar edhe një shifër prej 400 mijë eurosh, por ishte UEFA ajo që nuk e lejoi që kjo të ndodhte.
